ҚМГ Инжиниринг Taldau Talks диалогтық платформасының тұсаукесерінде ұсынылды

«ҚМГ Инжиниринг» ЖШС Стратегия, тәуекелдерді басқару, еңбек қауіпсіздігі және еңбекті қорғау қызметінің басшысы Бекмағамбетова Гүлжан Жұмабекқызы ҚР Парламенті Сенаты жанындағы Taldau Talks диалогтық платформасының ашылуына қатысты.

Бірінші отырысты ҚР Парламенті Сенатының төрағасы Мәулен Сағатханұлы Әшімбаев ашты, онда ол жаңа платформаның мақсаттары мен міндеттерін айтты.

Taldau Talks жаңа платформасының іске қосылуы Сенатта сараптамалық-аналитикалық қоғамдастықты дамыту бойынша жүргізіліп жатқан жұмыстың қисынды жалғасы болып табылады. Алаң Сенат жанындағы Жас сарапшылар клубының мүшелерін, сондай-ақ аналитика мектебінің тәлімгерлері мен түлектерін біріктірді. Негізгі міндет – жаһандық проблемаларды талдау және бейінді халықаралық сарапшыларды тарта отырып, оларды шешудің тиімді жолдарын әзірлеу.

Taldau Talks платформасының бірінші отырысында талқылаудың негізгі тақырыбы Орталық Азия елдерінің саяси және әлеуметтік-экономикалық дамуы болды. Атап айтқанда, халықаралық субъективтіліктің өсуі және аймақ мемлекеттерінің халықаралық қатынастардағы ықпалы.

Сенат спикері өз сөзінде ОА елдері ынтымақтастығының перспективалық бағыттарына, оның ішінде сауданы кеңейтуге және өңірлік күн тәртібін жаһандық процестерге енгізуге мүмкіндік беретін инвестициялық жобаларды іске асыруға тоқталды.

Аталған алаңның бірінші қонағы – Орталық Азия мәселелері жөніндегі әйгілі американдық сарапшы, АҚШ-тың үш Президентінің Ресей және Еуразия мәселелері жөніндегі экс-кеңесшісі, Орталық Азия және Кавказ институтының негізін қалаушы Фредрих Старр болды.

Бөлісу бағытындағы: