ҚМГ Инжинирингтегі жыл сайынғы есептік кездесу

ҚМГ Инжиниринг бас кеңсесінде ұжымның компания басшылығымен жыл сайынғы кездесуі аясындағы жұмыс қорытындыларын талдады.  

«ҚМГ Инжиниринг» ЖШС-де өндірістік қызмет қорытындылары және даму перспективаларын талқылау бойынша онлайн-кеңес өтті. Ұжымға «ҚМГ Инжиниринг» ЖШС Бас директоры Мәлік Сәлімгереев кіріспе сөз сөйледі, ол мұнай-газ саласындағы маңызды жобалар және компанияның бүгінгі күнге дейінгі дамуының негізгі нәтижелері туралы қысқаша хабардар етті. Осылайша, компанияда 2023 жылдан бастап 2031 жылға дейін есептелген «ҚМГ Инжиниринг» ЖШС Даму Бағдарламасы қабылданды және іске асырылуда. Өткен жылғы жетістіктердің ішінде Қаламқас кен орнының көмірсутек шикізаты қорларына қайта есептеулер жүргізуді және алынатын мұнай қорларының өсімін 32,6 млн. т. құрағанын атап өту қажет; жер қойнауын геологиялық зерттеу бойынша 5 жобаны дайындау және бекіту, оларды ағымдағы жылдан бастап іске асыру жоспарланған; ҚМГИ «Тәжірибелік-өнеркәсіптік сынақтар орталығы» интернет-порталын құру; ҚМГ ЕТҰ үшін техникалық қиындықтар бойынша көрсеткіштерді дайындау және бекіту;  Өзенмұнайгаз к/о оңалту тұжырымдамасын әзірлеу, сондай-ақ кен орындарға техникалық инспекция жүргізілді. Сонымен қатар, ABAI АЖ 17 Модулінің 11-ін дайындау аяқталды. Өткен жылы екі халықаралық ғылыми-тәжірибелік конференция мен халықаралық дөңгелек үстел өткізілді. 4 авторлық куәлік, зияткерлік меншік объектілеріне 3 патент алынды. №2 ҚМГИ Ғылыми еңбектер жинағы, «Қазақстанның мұнай-газ өнеркәсібінің хабаршысы» журналының 4 саны, 12 ақпараттық бюллетень және «Соңғы игеру сатысында қабаттардың химиялық МБА пайдалану перспективалары» конференциясының еңбектер Жинағы жарық көрді.

2023 жылға арналған жоспарлардың қатарында мұнай-газ жобаларын бағалау, оның ішінде газ мәселелерін шешу және жаңартылатын энергия көздерін қолдау жобалары, инженерлік зерттеулер мен теңіз жобалары, ӨМГ кен орнын қалпына келтіру жобасын қолдау, ABAI АЖ қайталау және техникалық қолдау бар.

Кәсіпорын әлеуметтік саясат аясында атқарылып жатқан жұмыстарға ерекше көңіл бөледі. Қызметкерлердің тиімді жұмыс істеуіне қолайлы жағдай жасау, білікті сарапшыларды қолдау және тарту мақсатында әлеуметтік қолдау көрсетіледі. Осылайша, құзыретті дамыту, HR және құқықтық қамтамасыз ету саласындағы іске асырылған жобалардың ішінде қызметкерлер санын 919-дан 1013 адамға дейін ұлғайтумен ҚМГИ жаңа ұйымдық құрылымын бекітуді атап өтуге болады; штаттағы қызметкерлердің жалақысын 10%-ға көтеру және GROSS жалақыға көшу, штаттық қызметкерлердің жалақысын теңестіру және аутстаффингтік қызметкерлеріне үстемеақыларды қосу; филиалдардың еңбекақысының деңгейін бас кеңсе жалақысының деңгейіне кезең-кезеңімен көтеруді бекітті.

ҚМГ ЕТҰ қызметкерлеріне арналған «Игеру инженері», «Бас геолог», «Кәсіби шебер», «Механик» модульдік бағдарламалары жүзеге асырылды. 2022 жылы барлығы 1905 ҚМГИ қызметкері оқытылды, оның ішінде 1436 адам оқудың міндетті түрлерін, 469 адам жеке/корпоративтік оқуды аяқтады. ҚМГИ сұранысқа ие мамандарды даярлау Ережесі бекітілді.

Бөлісу бағытындағы: