ҚМГ Инжинирингке Таиланд Корольдігі Елшілігінің өкілдері келді

Сыйлы қонақтарды ҚМГИ бас директоры Мәлік Сәлімгереев қарсы алды. Делегаттар қатарында – Mrs. Orathai Phubunlap Gunaseelan, Таиланд Корольдігі Елшілігі өкілдігінің басшысының кеңесшісі және орынбасары, Таиланд индустрия Министрлігінің, Ғылым және технологияларды дамытудың Ұлттық агенттігінің (NSTDA), СІМ, Инвестициялар Кеңесінің, Сауда палатасының, Тай өнеркәсібі Федерациясының, Асыл тастар мен зергерлік бұйымдар институтының, Таиландтың электр энергиясын өндіру басқармасының, халықаралық компанияның (EGATi) (EGATi) сарапшылары. Кездесуге қазақстандық қатысушылар – Рахым Өтеев, ҚМГИ Атыраулық филиалының директоры және ҚМГИ Баламалы энергетика департаментінің қызметкерлері.

Таиланд Корольдігінің Елшілігі «Жасыл технологиялар мен энергетика салаларын, сондай-ақ Таиландтың био-циркулярлық (BCG) экономикасындағы асыл тастар өнеркәсібін дамыту мақсатында Қазақстан мен Тәжікстанның шикізат ресурстарының перспективаларын бағалау» Жобасын іске асыруды жоспарлап отыр.

Кездесудің негізгі мақсаты жаңартылатын энергия көздері мен жасыл сутегі саласындағы ынтымақтастық мүмкіндіктерін талқылау болды.

ҚМГИ басшысы Мәлік Сәлімгереев қонақтарға арналған құттықтау сөзінде экономиканы декарбонизациялаудың маңыздылығын атап өтті. Оның пікірінше, ең перспективалы нұсқалардың бірі – сутегі энергиясы.

– ҚМГИ үшін және зерттеу институты ретінде әлемдегі осы саланың үрдістерін қадағалау және өз әлеуетін арттыру маңызды. Қазақстан Республикасы Президентінің тапсырмаларын орындау аясында Шетелдік инвесторлар кеңесінің 33-ші пленарлық отырысының қорытындысы бойынша Энергетика министрлігіне экология, геология және табиғи ресурстар министрлігімен және «ҚазМұнайГаз ҰК» АҚ – мен бірлесіп сутегі энергетикасын дамыту жөнінде ұсыныстар әзірлеу тапсырылды, – деп Мәлік Жаңабайұлы хабарлады.

Ол өткен жылы сутегі энергетикасы бойынша бірінші Құзыреттілік орталығы (қазіргі Баламалы энергетика департаменті) мен Қазақстандағы сутегі технологияларын зерттеу зертханасы ресми түрде іске қосылғанын айтты.

Департамент сутегі технологияларын кешенді талдаумен айналысады, сутегі энергетикасының ғылыми-зерттеу жобалары бойынша ынтымақтасады, ҚМГ пилоттық жобаларын сүйемелдейді және ҚМГИ Атыраулық филиалы базасында сутегі технологияларын зерттеу зертханалары базасында сутекті сақтау бойынша ғылыми-зерттеу жұмыстарын іске асырады.

Қазіргі уақытта «Жасыл технологиялар мен энергетика салаларын дамыту мақсатында Қазақстан мен Тәжікстанның шикізат ресурстарының перспективаларын бағалау» осы жобасы аясында Таиландтың құзыретті мемлекеттік мекемелері мен жасыл энергетика саласындағы жеке сектор өкілдерінен тұратын Тай делегациясы жасыл энергетика саласын және Таиландтың экологиялық таза сутегі өндірісін дамыту үшін Қазақстанда шикізат ресурстарын сатып алу және инвестициялау перспективаларын бағалау мақсатында Қазақстанда болуды жалғастыруда.

Бөлісу бағытындағы: