Баламалы энергетика департаментінің сарапшылары Жапонияда тағылымдамадан өтті
- 11.12.2023
- News-Kaz, News-Kk
- Коммент өшірілген on Баламалы энергетика департаментінің сарапшылары Жапонияда тағылымдамадан өтті
- D.Arkharova
JCCP бағдарламасы шеңберінде оқыту «Сутекті пайдалану технологиясы» тақырыбына арналды.
Әріптестердің айтуынша, курс Жапонияның көміртегі бейтараптығына қол жеткізу жөніндегі күш-жігерінің шеңберінде сутегі технологиялары туралы білім берді. ҚМГИ қызметкерлері мұнай және газ өндіруші елде көміртегі бейтараптығына қол жеткізу бойынша стратегиялар мен жоспарларды қалай әзірлеу керектігі туралы кеңестер алды.
Семинарлар Жапонияның Токио, Ячиё, Корияма, Токио, Киото, Амагасаки, Кобе, Нагоя, Тойота, Йокогама, Хирацука сияқты қалаларында өтті, онда жаһандық энергетикалық жағдай және Жапонияның көміртегі бейтараптығына қол жеткізу әрекеттері туралы дәрістер ұйымдастырылды, елдің мұнай өнеркәсібіне және Жапонияның көміртегі бейтарап стратегиясы мен бастамасына шолу жасалды.
– Біз сутегі энергетикасы саласында өз әзірлемелерімен айналысатын және өз әзірлемелері бар компаниялар мен институттарды араладық, атап айтқанда сутекті сақтауға арналған қорытпалар жүйесі, отын элементтері мен бағалау құрылғыларының технологиясы, сұйық сутекті тасымалдау/түсіру/сақтау жөніндегі демонстрациялық алаң, таза сутегі мен аммиак өндіру жөніндегі қызмет. JCCP, Токай университеті мен ҚМГИ-ге осы бірегей мүмкіндік үшін алғысымызды білдіреміз, – деп Департамент қызметкерлері ризашылықтарын білдірді.
Бұған дейін хабарланғандай, Жапонияның мұнай және тұрақты энергетика саласында ынтымақтасу орталығы (Japan Cooperation Center for Petroleum and Sustainable Energy, JCCP) 1981 жылы қарашада мұнай өндіруші елдер мен Жапония арасындағы достық қарым-қатынасты дамыту және мұнай өнеркәсібін қайта өңдеу және өткізу секторларында техникалық ынтымақтастық пен персонал алмасу арқылы Жапонияға тұрақты мұнай жеткізілімін қамтамасыз етуге жәрдемдесу мақсатында құрылды.
ҚМГ JCCP-мен ынтымақтасады және бұрын Жапонияда тағылымдама өткізген болатын. Жыл сайын JCCP ҚМГ Компаниялар тобының 10-15 қызметкерін өндіруден, барлаудан, өңдеуден және маркетингтен бастап HR және қаржыны басқаруға дейінгі түрлі қызмет бағыттары бойынша оқытуға қабылдайды.
