Басты назар – сыбайлас жемқорлықтың алдын алу
- 26.06.2024
- News-Kaz, News-Kk
- Коммент өшірілген on Басты назар – сыбайлас жемқорлықтың алдын алу
- D.Arkharova
«ҚМГ Инжиниринг» ЖШС Атырау филиалында сыбайлас жемқорлықтың алдын алу мәселелерін талқылауға, сыбайлас жемқорлыққа қарсы заңнама нормаларын түсіндіруге арналған АФ директорының орынбасары Н.И.Қазиевтің төрағалығымен және ҚР Сыбайлас жемқорлыққа қарсы іс-қимыл агенттігінің облыстық департаменті өкілінің қатысуымен оқыту семинар-кеңесі өтті.
Іс-шараны ҚМГИ комплаенс-офицері ұйымдастырды. Филиал қызметкерлеріне сыбайлас жемқорлықтың алдын алудың тиімділігін арттыру, сыбайлас жемқорлыққа қарсы заңнаманың қолданыстағы нормалары, сыбайлас жемқорлыққа қарсы іс-қимылға және қоғамдағы сыбайлас жемқорлықты жоюға бағытталған шараларды жетілдіру, сондай-ақ сыбайлас жемқорлық құқық бұзушылықтардың алдын алу жөніндегі мемлекеттік шаралар жөнінде өзекті және жан-жақты ақпарат берілді.
Тыңдаушылар алдында ҚР Сыбайлас жемқорлыққа қарсы іс-қимыл агенттігінің Атырау облысы бойынша ҚР Сыбайлас жемқорлыққа қарсы іс-қимыл агенттігінің департаменті басшысының бірінші орынбасары Н.С. Жахин сөз сөйледі.
Семинар шеңберінде мемлекеттік органның өкілі қатысушыларды сыбайлас жемқорлыққа қарсы реформалардың жаңа пакеттерімен, сондай-ақ сыбайлас жемқорлыққа қарсы іс-қимыл жөніндегі шаралар жүйесімен таныстырды, сыбайлас жемқорлыққа қарсы заңнамадағы және парасаттылық идеологиясын қалыптастырудағы жаңалықтар туралы, осы саладағы бұзушылықтар жағдайында қолданыстағы заңнамада көзделген жауапкершілік туралы хабардар етті.
– Жаңа енгізілімдер сыбайлас жемқорлыққа қарсы заңнаманы жақсартуға, оның ішінде озық халықаралық стандарттар негізінде сыбайлас жемқорлықтың алдын алудың жаңа құралдарын енгізу арқылы жақсартуға бағытталған, – деп атап өтті спикер өз сөзінде.
Сонымен қатар, барлық қатысушыларға «Сыбайлас жемқорлыққа қарсы іс-қимыл туралы» Заңның соңғы түзетулері, сыбайлас жемқорлыққа қарсы комплаенс жүйесін жетілдіру және оны үйлестіру түсіндірілді.
Іс-шара барысында Сыбайлас жемқорлыққа қарсы қызметтің слайдтары мен тиісті бейнематериалдары көрсетіліп, Филиал ұжымы қызметкерлерінен келіп түскен сұрақтарға толық жауап берілді.
