ҚМГ Инжиниринг халықаралық ғылыми конференциясының анонсы
- 22.07.2022
- News-Kaz
- Коммент өшірілген on ҚМГ Инжиниринг халықаралық ғылыми конференциясының анонсы
- sdauren
2022 жылғы 16-17 қыркүйекте «ҚМГ Инжиниринг» ЖШС «Игерудің кейінгі сатысында қабаттардың мұнай шығаруын ұлғайтудың химиялық әдістерін (МШҰХӘ) қолдану перспективалары» тақырыбында жыл сайынғы Халықаралық ғылыми-практикалық конференция ұйымдастырады.
Конференцияның негізгі мақсаттары – тәжірибе алмасу және талқылау, МШҰХӘ қолдану кезінде технологияларды дамыту жолдары мен мүмкіндіктерін бірлесіп анықтау.
Іс-шарада Қазақстанның және шет елдердің ірі мұнай өндіруші және мұнай сервистік компанияларының, МШҰХӘ жобаларына арналған мамандандырылған химия мен жабдықтарды әзірлеушілердің және өндірушілердің, ҒЗИ мен бірқатар ЖОО өкілдерінің кездесуі жоспарлануда.
Күн тәртібінің басты мәселелер:
1. МШҰХӘ кен орындарын игерудің кеш сатысында қолдану тәжірибесі
2. Кен орындарын игерудің кеш сатысында МШҰХӘ инновациялық технологиялары болады.
Екі күндік жұмыс қорытындысы бойынша ҚМГ Инжиниринг материалдар жинағы мен бірқатар ғылыми мақалаларды «Қазақстанның мұнай-газ саласының Хабаршысы» журналында жариялауды жоспарлап отыр.
Конференция жұмысына қатысу үшін 2022 жылдың 15 тамызына дейінгі мерзімде www.kmge.kz сайтында тіркелу қажет, және де ғылыми мақаланы, қысқаша аннотация мен іс-шараны ұйымдастырушыларға өтінімді жолдауға болады.
