ҚМГ Инжиниринг өкілі халықаралық конференцияға қатысты

Осы күндері Қазанда «Газпромнефть-технологиялық серіктестік» ЖШҚ «Мұнай өндіруді ұлғайтудың химиялық әдістері: өзгерістер кезеңіндегі қарсылықтар мен мүмкіндіктер» өзекті тақырыбына арналған халықаралық деңгейдегі сарапшылар кездесуін өткізуде.

Шараға Газпромнефть, Татнефть, Лукойл, Зарубежнефть қатысушылары, сондай-ақ Беларусь, Иран, Ирак, Қытай және Қазақстанның әріптестері қатысуда.

«ҚМГ Инжиниринг» ЖШС «ҚазмұнайгазҒЗЖИ» АҚ филиалын Игеру департаментінің Қабаттардың мұнайберуін арттыру қызметінің басшысы Марат Сағындықов онлайн-платформа арқылы ұйымдастырушылардың шақыруы бойынша сарапшыларға қосылды және «An unconventional approach to model a polymer flood in the Kalamkas oilfield» («Қаламқас» мұнай кен орнында полимерлік су басуды модельдеуге дәстүрлі емес әдіс) баяндамасымен сөз сөйледі.  

– Баяндамада Қаламқас кен орнында полимерлік су басуды модельдеуге дәстүрлі емес әдістің негізгі ерекшеліктері ұсынылған. Модельдеудің бұл стандартты емес әдісі арнайы орындалған ұңғыма аралық трасса зерттеулеріне, АБТ (МУЗ) , ПӘК және арнайы кәсіпшілік зерттеулерге негізделген, – деп спикер өз сөзін аяқтағаннан кейін бізбен бөлісті.

Оның айтуынша, бұл әдіс реологиялық өлшеулер (кедергі факторы және қалдық кедергі факторы) нәтижелері бойынша күтілгеннен гөрі қозғалғыштықтың көбірек төмендеуін қамтамасыз ететін өткізгіштікті төмендетудің дәстүрлі механизмін жоққа шығарады. Нақты кәсіпшілік жағдайлары үшін бұл ерекшелікті растайтын дәлелдер ұсынылған. Сонымен қатар, жаңа әдісте кенжар қысымын бейімдеуге баса назар аударылады.

Полимерлі су басуды модельдеудің көптеген басқа әдістерінен айырмашылығы, ұсынылған әдіс полимерді айдау кезінде ашық жарықтар мен олардың су басудың қолайлылығы мен тиімділігіне әсерін қамтиды. Әдеби шолу, біздің зертханалық және кәсіпшілік зерттеулеріміз тәсілдің негізділігін және оның басқа заманауи симуляторларға қарағанда артықшылықтарын растайды. Осы тұжырымдамаларды жүзеге асыру біздің модельдің растығын арттырады.

Баяндамада ұсынылған авторлық зерттеулер кездесудің барлық қатысушыларының қызу талқылауын тудырғанын және сарапшылардың оң пікірлерін алғанын атап өткен жөн.

– ҚМГ Инжиниринг өкіліне конференцияға қатысқаны үшін алғыс айтамыз. Өте қызықты және жоғары кәсіби баяндама, әріптестерге өте ұнады. Алдағы уақыттағы шараларымызда сізді қуана қарсы аламыз, – деп атап өтті «Мұнай беруді арттыру әдістері» Технологиялық кеңсесінің басшысы Андрей Осипов, «Газпромнефть» ЖШҚ.

Бөлісу бағытындағы: